SANTI IDUL ADHA
1.
Dhandhanggula
Wus ngumandhang tahlil takbir tahmid,
Tumapaking dina Idul Adha,
Mangka kanugrahan gedhe,
Nabi Ibrahim dhawuh,
Dhateng putra Nabi Ismail,
Kinen ibadah kurban,
Mragat dhomba wedhus,
Sapi onta lan maesa,
Asesanti murih basuki lestari,
Sagung ummat sakdonya.
2.
Pangkur
Patuladhan Siti Hajar,
Wanodyayu garwa Nabi Ibrahim,
Manekung ngibadah khusuk,
Pasrah Allah Ta'ala,
Jroning kalbu ngeningke cipta pandulu,
Donga sigra kinabulna,
Bagya mulya garwa siwi.
3.
Mijil
Anyarengi kadang munggah Kaji,
Apadene Umroh,
Pamrihe pikoleh amal sholeh,
Pengrasuke agama sejati,
Muslim mukmin muhsin,
Nama Haji mabrur.
4.
Gambuh
Pamuji unggul kabul,
Ibrahim Ismail Nabi punjul,
Siti Hajar maringi tepa palupi,
Sujalma sajuru juru,
Duk nalika Haji Umroh.
5.
Maskumambang
Mbangun jiwa raga aneng Tanah Suci,
Ing Kutha Mekkah Madinah,
Ndherek marang Kanjeng Nabi,
Adhedhasar Kitab Qur'an.
Purwadi,
Jumat Wage, 6 Juni 2025