Ist
Garda.id | Bedhaya Mintaraga
1.
Pangkur
Wulangan tari Bedhaya,
Mintaraga yasan Dalem Narpati,
Kanjeng Sultan Ping Sepuluh,
Kraton Ngayogyakarta,
Ajaran gung Hamengku Buwana linuhung,
Disertasi ngelmu rasa,
Perspektif Hermeneutik.
Lumaksana pendadaran,
Pak Marwanto mantheng mandeng promosi,
Doktor tari adi luhung,
Ing kampus Karangmalang,
Wusnya rampung Prof Suwardi anyengkuyung,
Prof Kuswarsantyo gumregah,
Dadya promotor pembimbing.
2.
Sinom
Prof Siswantoyo pangarsa,
Carik Bu Wenti Nuryanti,
Prof Anik Gufron miterang,
Pak Agus Cahyono meling,
Mangka dadya pangeling,
Doktor Marwanto wus lulus,
Ujian tinarbuka,
Tatag tutug gelis wasis,
Jangkep lancar sung wangsulan kanthi gangsar.
3.
Kinanthi
Pak Marwanto
kapinuju,
Tanggale nem Pebruari,
Rong ewu selawe warsa,
Kemis Wage titi wanci,
Dosen tendik mahasiswa,
Lulus doktor anekseni.
4.
Pucung
Gotek catur Doktor Marwanto misuwur,
Penari kawentar,
Bagus alus merak ati,
Sigrak gumyak solah bawa sarwa penak.
5.
Gambuh
Doktor Marwanto unggul,
Mantep mantul beksane pinunjul,
Dosen tari sregep mulang siswa siswi,
Kampus UNY lumaku,
FBSB mrih kesohor.
6.
Mijil
Amarsudi wulang wuruk tari,
Katonton miraos,
Pacak gulu trisik gawe rame,
Doktor Marwanto seniman pilih,
Luruh mriyayeni,
Tanggap gupuh aruh.
7.
Maskumambang
Bintang panggung seni tari edi peni,
Marwanto Doktor kaloka,
Baut joged wiwit cilik,
Maringi tepa tuladha.
8.
Megatruh
Jangkah maju langkah marem gerak arum,
Pak Marwanto mitayani,
Ngarah arah barang kawruh,
Dhasar seniman sejati,
Prebawa muncar mencorong.
9.
Asmarandana
Jejere akademisi,
Gurune pra mahasiswa,
Siyang ratri enjang sore,
Pendhapa Tejakusuma,
Papan megah asri endah,
Piranti ambabar ngelmu,
UNY tambah kuncara.
10.
Durma
Gagah lincah Pak Marwanto genep genah,
Jumangkah merbawani,
Dhapuk Prabu Rama,
Apadene Bambangan,
Nalikane jaman rumiyin,
Tandange laras,
Pasare manis laris.
11.
Dhandhanggula
Garwa putra mantu anyaosi,
Sanak kadang gumrojog tumandang,
Kadep Sekdep cawe cawe,
Dosen tendik sing rawuh,
Dekan Wadek kersa ngestreni,
Sinartan mahasiswa,
Sagung warga kampus,
Asung pambagya minulya,
Mrih basuki Doktor Marwanto lestari,
Suwita mring negara.
Kemis Wage 6 Pebruari 2025,
Purwadi,
FBSB UNY