Ist
Garda.id | Babad Senam Pagi
1.
Pucung
Jumat esuk olahraga sarwa mathuk,
Kampus Karangmalang,
Bebarengan senam pagi,
Badan sehat jiwa raga tambah kuat.
2.
Mijil
Dosen mahasiswa sarta tendik,
Pinandhegan Rektor,
Sedaya wus sami suka ndherek,
Sigrak gumyak gerak senam pagi,
Sarapan tumuli,
Suguh dhahar ngunjuk.
3.
Gambuh
Dosen tendik tinemu,
Mesem guyu penggalih katuju,
Ing UNY kompak manunggal nyawiji,
Ayem tentrem guyub rukun,
Anut marang dhawuh Rektor.
4.
Kinanthi
Kaos ijo biru ungu,
Katon mubyar angrenggani,
Seragam gawe pangeram,
Karya sengsem merak ati,
Perbawani olahraga,
Pengetan Dies Natalis.
5.
Pangkur
Kampus ungu Karangmalang,
Pawiyatan luhur mitayani,
Sekolahe para guru,
Pamrihe cerdas tangkas,
Sung pituduh tanggap tangguh barang kawruh,
Nusantara gya kuncara,
Muncar saindhenge bumi.
Jumat Wage,
21 Pebruari 2025
Purwadi.
FBSB UNY