IstGarda.id | Kidung Panglipur
Purwadi
Ketua Lokantara
1.
Disuwir suwir dadi selawe,
Dijupuk papat kari selikur,
Dipikar-pikir ora melu duwe,
Ora liwat dadi sedulur.
2.
Disuwir suwir dadi selawe,
Dijupuk nembelas kari songo,
Dipikar pikir ora melu nduwe,
Atine melas ditinggal lunga.
3.
Dakrewangi ndhundhuk sumur,
Mbok menawa metu sumbere,
Dakrewangi totohan umur,
Mbok menawa dadi jodhone.
4.
Dakrewangi ndhundhuk sumur,
Metu sumbere ora melu ngombe,
Dakrewangi torohan umur,
Kari senenge ora bisa ngrasakke.
5.
Esuk nakir sore nakir,
Sing ditakir godhonge sere,
Esuk mikir sore mikir,
Sing dipikir wis ana sing nduwe.
6.
Kecik kecik diwadhahi takir,
Sawo kecik saka Kulanpraga,
Awan mikir esuk sore mikir,
Kokya kebangeten dipikir ira rumangsa.
7.
Kecik kecik ditumpakna sepur,
Sawo kecik ya dironce ronce,
Sapa pengin urip subur makmur,
Ayo padha sregep nyambut gawe.
8.
Neng Semarang kaline banjir,
Numpak prau ja nengah nengah,
Yen wis nyawang aja dipikir,
Yen dipikir neng ati susah.
9.
Karangpandan Tawangmangu,
Orek orek kesenian Sragen,
Ora kencan malah ketemu,
Luwih becik ayo dha leren.
10.
Gethuk lindri saking Blauran,
Sing dodol Mbakyu Suminten,
Kula niki mung seduluran,
Yen lepat nyuwun ngapunten.
11.
Kecik kecik kecike Manila,
Prayogane tumrap para putri,
Laku becik luwih utama,
Kanggo darma bakti ibu pertiwi.
Purwadi,
lahir ing Grogol Mojorembun Rejoso Nganjuk Jawa Timur, rikala tanggal16 September 1971.
Ngudi ilmu ing SD 1 Mojorembun,
SMP I Rejoso,
SMAN 2 Nganjuk,
Fakultas Sastra UGM,
Pasca Sarjana Filsafat UGM,
Program Doktor UGM.
Ngesuhi sanggar seni Pustaka Laras, ketua Lembaga Olah Kajian Nusantara lan editor Penerbit Bangun Bangsa.
Saiki kajibah minangka dosen ing departemen Pendidikan Bahasa Daerah FBSB Universitas Negeri Yogyakarta.rel